’n Alaskiese Toevlugsoord (M&B)

’n Veranderde gesindheid . . . Piper Quinn baklei hard vir die toekoms van haar toevlugsoord vir wolwe. Moeilike kinderjare het haar geleer om meer op haar gemak saam met diere as mense te voel – veral saam met die pragtige wolwe van Aurora, Alaska. Toe joernalis Ethan Hale dus daar opdaag om verslag oor haar sukkelende wolfskuiling te doen – en van oordeel is dat die wolwe ’n gevaar vir die gemeenskap inhou – is sy gereed om hom verkeerd te bewys. As ’n voormalige veldwagter het Ethan egter al genoeg tragedies gesien om sy oordeel te bevestig.

Kort voor lank is hulle meningsverskille voorbladnuus. En Piper en Ethan moet hulle uiteenlopende sienings versoen met hulle eiesinnige harte wat vinnig ’n tuiste by mekaar vind.

**